നീയെന്നെ ചുംബിച്ചില്ലെങ്കിൽ

ഉറവകളരുവിയൊടൊരുമിക്കുന്നൂ
അരുവി സമുദ്രത്തോടു രമിപ്പൂ.
വാനിൽ നിന്നുമുതിർക്കും തെന്നൽ
വാരൊടു തമ്മിൽച്ചേർന്നു ലയിപ്പൂ.

ഭൂമിയിലേകാകിത്വമനർത്ഥം;
ദിവ്യപ്രമാണത്താലിവിടെല്ലാം
ചേതനയൊന്നിൽ കൂടിക്കലരിലു-
മെന്തേ നീയും ഞാനും മാത്രം....

കാണുക- വാനിനു ചുംബനമേകും
പർവ്വത നിരകളെ, തമ്മിൽപ്പുണരും
തിരകളെ,യൊറ്റയ്ക്കുണരും പൂവിനു
മാപ്പു ലഭിക്കുകയില്ലൊരു നാളും!

ഉലകിനെയാശ്ലേഷിപ്പൂ സൂര്യൻ,
കടലിനു ചുംബനമേകും ചന്ദ്രൻ... 
നിഷ്ഫലമാകുമിതെല്ലാം, നീയി-
ന്നെന്നെച്ചുംബിക്കാതെയിരുന്നാൽ !

*വിശ്വപ്രസിദ്ധ കവി പി.ബി.ഷെല്ലിയുടെ 'Love's philosophy' എന്ന കവിതയുടെ മലയാള പരിഭാഷ